Tidlegare statsekretær Kristin Maurstad flyttar til Måløy for å leie gründerselskapet Innovatitt.
Målet er å utvikle det maritime og teknologieks miljøet i Måløy. Maurstad ser både nordover mot Sunnmøre og sørover mot Florø for å få fart på Måløy.
Gunnar Carlson har i fleire år vore sentral i å trekkje unge og driftige folk til Måløy, mellom anna leiaren for skipsmodelltanken og sjefen for it-bedrifta Local Host. Carlson er også sentral i stiftinga av Innovatitt, gjennm selskapet Brothers.
– For oss representerer dette ei strategisk vidareføring av det arbeidet som vårt miljø representerer – innovasjon, nytenking og risikovilje – samt mulegheita til å trekkje endå fleire med i dette viktige sammfunnsarbeidet. Det er fleire prosjekt som ligg i startgropa, og mulegheita for å realisere desse aukar med antal entusiastar. Vi lever etter slagordet «Ingen ekte måløyværing rugar på sin kapital, men set den i aktiv teneste», seier Gunnar Carlson.
Nytt utviklingsselskap i Måløy: Innovatitt AS
Kristin Maurstad har tidlegare jobba med næringsutvikling i Vanylven, Måløy og Florø, og har det siste halvåret vore statssekretær i Nærings- og handelsdepartementet.
– Eg gler meg veldig til å ta fatt på arbeidet i Måløy, og nølte ikkje eit sekund då eg fekk tilbodet. Eg kjenner næringslivet her godt, og ser fram til å jobbe med ein innovativ og nytenkjande gjeng, seier Kristin Maurstad, som allereie er på plass i kontorfellesskap med LocalHost i Måløy.